Պեսկովը մեկնաբանել է Ստամբուլի քաղաքապետի ձերբակալումը. «Դա Թուրքիայի ներքին գործն է».

Քաղաքական17:17, 20 Մարտ 2025

Պեսկովը մեկնաբանել է Ստամբուլի քաղաքապետի ձերբակալումը. «Դա Թուրքիայի ներքին գործն է».

«Ռուսաստանի նախագահ Վլադիմիր Պուտինը մտադիր չէ իր թուրք պաշտոնակից Ռեջեփ Թայիփ Էրդողանի հետ քննարկել Թուրքիայում վերջին օրերին ծավալվող ներքաղաքական իրադարձությունները»: Այդ մասին հայտնել է ՌԴ նախագահի մամուլի խոսնակ Դմիտրի Պեսկովը։

Մարտի 19-ին Ստամբուլում ձերբակալվել է Ստամբուլի ընդդիմադիր քաղաքապետ Էքրեմ Իմամօղլուն՝ փողերի լվացման, անօրինական եկամուտ ստանալու և ֆինանսական միջոցների ստվերային հոսքին առնչություն ունենալու կասկածանքով։

«Թուրքիայում ծավալվող բողոքի գործողություններն այդ երկրի ներքին գործն է և չեն կարող բարձր մակարդակում շփումների առիթ լինել», – նշել է Պեսկովը։

Նա նաև ասել է, որ այս շաբաթվա ընթացքում Ռուսաստանի ու Թուրքիայի նախագահների միջև հեռախոսազրույց նախատեսված չէ։ Հավանական հեռախոսազրույցի մասին ավելի վաղ հայտարարել էր թուրքական «Hurriyet» օրաթերթը։

Էքրեմ Իմամօղլուի ձերբակալությանն անդրադարձել էր նաև ԱՄՆ-ն.

«Մենք կարող ենք կոչ անել Թուրքիային հարգել մարդու իրավունքները և պատշաճ կերպով զբաղվել իր ներքին խնդիրներով։ Սա արդեն պարզ է։ Մենք կարող ենք պարզապես հիշեցնել այս մասին»,- ասել է պետքարտուղարության խոսնակ Թեմմի Բրյուսը:

Աղբյուր` Evrenesel.com.tr

Այս ենթաբաժնի վերջին նորությունները

15:02, 21 մարտ

Ստամբուլի քաղաքապետի պաշտոնում նշանակվել է ժամանկավոր պաշտոնակատար

Նշենք, որ Ստամբուլլի ընդդիմադիր քաղաքապետին մեղադրանք է առաջադրվել։

11:46, 21 մարտ

Ստամբուլի քաղաքապետարանի կայքում «Կեղծիք և ճշմարտություն» վերնագրով գրառում է հրապարակվել

Ընդդիմադիր քաղաքապետի սոցցանցում հերքվել են իր մասին տարածվող կեղծ լուրերը։

11:16, 21 մարտ

Քուրդ լրագրող․ Հայաստանը պետք է փոխզիջման ճանապարհ գտնի Էրդողանի հետ

Ըստ Մեհմեթ Թաթլըի՝ քանի դեռ Թուրքիայում իշխանության ղեկին Էրդողանն է, պետք է Թուրքիա-Հայաստան հարաբերությունների կարգավորմանը լուծում տալ, քանի որ Էրդողանից հետո շատ դժվար կլինի հասնել լուծման։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Ստամբուլի ընդդիմադիր քաղաքապետի ձերբակալումից հետո Թուրքիայում բողոքի ցույցեր են սկսվել (լուսանկարներ)

Ստամբուլի համալսարանի ուսանողները երթ են կազմակերպել, ինչից հետո բախումներ են սկսվել ուսանողների և ոստիկանական ուժերի միջև։

Քուրդ լրագրող․ Հայաստանը պետք է փոխզիջման ճանապարհ գտնի Էրդողանի հետ

Վանա լճի ջրի մակարդակի նվազումը բացասաբար է ազդում կենդանական աշխարհի վրա

Ջրի մակարդակի նվազման հետևանքով ի հայտ են եկել մանրէներ, որոնք նախկինում ստորջրյա են եղել և այժմ այդ տարածքները պարունակում են բազմաթիվ բակտերիաներ, միկրոօրգանիզմներ։