Հաքան Ֆիդանը և Մարկո Ռուբիոն քննարկել են Ադրբեջանի ու Հայաստանի միջև խաղաղության գործընթացը

Քաղաքական10:28, 26 Մարտ 2025

Հաքան Ֆիդանը և Մարկո Ռուբիոն քննարկել են Ադրբեջանի ու Հայաստանի միջև խաղաղության գործընթացը

Վաշինգտոնում կայացել է Թուրքիայի արտաքին գործերի նախարար Հաքան Ֆիդանի և ԱՄՆ պետքարտուղար Մարկո Ռուբիոյի հանդիպումը։

Թուրքիայի պետական «Anadolu» լրատվական գործակալությունը, հղում անելով դիվանագիտական աղբյուրներին, նշել է, որ թուրք-ամերիկյան հարաբերությունների հետ մեկտեղ քննարկվել են նաև տարածաշրջանային հարցեր, այդ թվում Սիրիայի, Ուկրաինայի, Գազայի խնդիրը, ինչպես նաև Ադրբեջանի ու Հայաստանի միջև ընթացող խաղաղության շուրջ բանակցությունները։

ԱՄՆ պետդեպարտամենտում կայացած հանդիպման ընթացքում կողմերը նաև անդրադարձել են ռազմարդյունաբերության ոլորոտում համագործակցության խոչընդոտները վերացնելուն և նշել, որ առկա խնդիրները լուծելու համար կանցկացվեն քննարկումներ։

Հանդիպման վերաբերյալ պաշտոնական հայտարարություն է տարածել ամերիկյան կողմը և նշել, որ ի թիվս վերոնշյալ հացերի քննարկվել է նաև ահաբեկչության դեմ պայքարը։ Մարկո Ռուբիոն մասնավորապես նշել է, որ Սիրիան չպետք է դառնա միջազգային ահաբեկչության հենակետ և ոչ էլ Իրանի ապակայունացնող գործունեության անցուղի։ Պետքարտուղարը հավելել է, որ այդ նպատակին հասնելու համար էական էթ սերտ համագործակցությունը Թուրքիայի հետ։

Անդրադառնալով Հարավային Կովկասում և Ուկրաինայում խաղաղության հաստատման գործում Թուրքիայի ջանքերի ներդրմանը պետքարտուղարը ընդգծել է այս տարածաշրջաններում խաղաղության հաստատման գործում Անկարայի աջակցության կարևորությունը։

Նշվում է, որ հանդիպման ընթացքում քննարկվել են ոչ միայն արտաքին քաղաքականությանը վերաբերող հարցեր, այլն նաև Թուրքիայի ներքաղաքական իրավիճակին վառնչվող հարցեր։ ԱՄՆ-ն մտահոգություն է հայտնել Թուրքիայում տեղի ունեցող բողոքի ակցիաների և ձերբակալությունների վերաբերյալ։

Անդրադառնալով երկկողմ տնտեսական հարցերին՝ Ռուբիոն գոհունակություն է հայտնել առևտրային հարաբերություններում վերջին առաջընթացից և խրախուսել տնտեսական համագործակցության հետագա զարգացումը։

Աղբյուր` www.aa.com.tr

Այս ենթաբաժնի վերջին նորությունները

15:05, 31 մարտ

ԵԽ. Իմամօղլուի ձերբակալությունն ամենամեծ հարվածներից մեկն է Թուրքիայի ժողովրդավարության դեմ

Եվրախորհրդարանի՝ Թուրքիայի հարցերով զեկուցողն անդրադարձել է Ստամբուլի ընդդիմադիր քաղաքապետի կալանավորմանը և երկրում բողոքի ցույցերին։

11:54, 31 մարտ

Իսրայելի ԱԳ նախարար. «Էրդողանը վտանգավոր է և՛ տարածաշրջանի, և՛ իր ժողովրդի համար»

Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։

19:30, 29 մարտ

Կայացել է Էրդողան-Ալիև հեռախոսազրույց

Հանդիպման ընթացքում նախագահ Էրդողանը հայտարարել է, որ Թուրքիան և Ադրբեջանը կշարունակեն զարգացնել համագործակցությունը «երկու պետություն, մեկ ազգ» հայեցակարգի շրջանակներում։