ԱՄՆ-ում թրքուհի է ձերբակալվել հակաիսրայելական գործողությունների մեջ ներգրավվելու համար (Տեսանյութ)

Քաղաքական13:42, 27 Մարտ 2025

ԱՄՆ-ում թրքուհի է ձերբակալվել հակաիսրայելական գործողությունների մեջ ներգրավվելու համար (Տեսանյութ)

ԱՄՆ-ում գտնվող թուրք ուսանողուհի՝ Ռումեյսա Օզթուրքը, իր տան մոտ ձերբակալվել է ԱՄՆ ներքին անվտանգության վարչությանը կից գործող մաքսային վարչության (ICE) աշխատակիցների կողմից։ Թուրքական մամուլում լայնորեն տարածվել է ձերբակալման տեսանյութը։

Նշվում է, որ նա քննադատել է Իսրայելի գործողությունները Պաղեստինում՝ այն կոչելով ցեղասպանություն։ Նա նաև կոչ է արել իր համալսարանին հետ վերցնել ներդրումները Իսրայելի հետ կապ ունեցող ընկերություններից։

Նշենք, որ Թուրքիան Իսրայելի գործողությունները Պաղեստինում որակում է որպես ցեղասպանություն։

Օզթուրքի անունը հայտնվել է «Canary Mission» կոչվող կայքում, որտեղ ներկայացված են հակաիսրայելական ակտիվիստների անունները:

Օզթուրքի համար վարձվել է փաստաբան, որը դիմել է դաշնային դատարան՝ նշելով, որ կալանավորումն անօրինական է։

Այս ենթաբաժնի վերջին նորությունները

19:30, 29 մարտ

Կայացել է Էրդողան-Ալիև հեռախոսազրույց

Հանդիպման ընթացքում նախագահ Էրդողանը հայտարարել է, որ Թուրքիան և Ադրբեջանը կշարունակեն զարգացնել համագործակցությունը «երկու պետություն, մեկ ազգ» հայեցակարգի շրջանակներում։

14:10, 28 մարտ

Կիպրոսի նախագահ․ «Կարևոր է աստիճանաբար սկսել երկխոսությունը Թուրքիայի հետ»

Փարիզում կայացել է «Խաղաղություն և անվտանգություն Ուկրաինայի համար» խորագրով հանդիպումը, որի ընթացքում հանդիպել են Թուրքիայի փոխնախագահը, Հունաստանի վարչապետը և Կիպրոսի նախագահը։