Կայացել է Էրդողան-Պուտին հեռախոսազրույց

Քաղաքական13:46, 28 Մարտ 2025

Կայացել է Էրդողան-Պուտին հեռախոսազրույց

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ։ Այդ մասին հաղորդագրություն է տարածել Թուրքիայի նախագահականի հանրային կապերի վարչությունը։ Կողմերը քննարկել են ռուս-թուրքական հարաբերությունները, տարածաշրջանային և գլոբալ խնդիրները, այդ թվում Ուկրաինայի ու Սիրիայի հարցը։

Էրդողանը շեշտել է, որ Թուրքիայի և Ռուսաստանի միջև համագործակցությունն առանցքային նշանակություն ունի տարածաշրջանային խնդիրների լուծման համար։ Ըստ Էրդողանի՝ Թուրքիան ուշադրությամբ հետևում է Ռուսաստանի և Ուկրաինայի միջև ընթացող պատերազմին վերջ դնելու համար նախաձեռնված գործընթացին և այդ համատեքստում Անկարան պատրաստ է ամեն տեսակ աջակցություն ցուցաբերել, այդ թվում բանակցություններ անցկացնելու հարցում։

Էրդողանը նաև անդրադարձել է Սև ծովում առևտրային նավարկության անվտանգությանը նպաստող քայլերին և շեշտել, որ որ Թուրքիան շարունակում է քայլեր ձեռնարկել, որպեսզի Սև ծովը չվերածվի հակամարտության գոտու։

Թուրքիայի նախագահը նշել է, որ Անկարան կարևորում է Ռուսաստանի հետ համագործակցությունը սիրիական հարցում, ընդգծելով, Թուրքիայի և Ռուսաստանի միասին աշխատելու կարևորությունը, որպեսզի Սիրիան հասնի կայուն խաղաղության՝ հիմնված տարածքային ամբողջականության պահպանվան վրա։

Էրդողանը նաև հայտնել է, որ Սիրիայի բնական պաշարները պետք է հանձնվեն Սիրիայի կառավարությանը։

Աղբյուր` https://x.com/iletisim/status/1905549612427128994

Այս ենթաբաժնի վերջին նորությունները

11:54, 31 մարտ

Իսրայելի ԱԳ նախարար. «Էրդողանը վտանգավոր է և՛ տարածաշրջանի, և՛ իր ժողովրդի համար»

Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։

19:30, 29 մարտ

Կայացել է Էրդողան-Ալիև հեռախոսազրույց

Հանդիպման ընթացքում նախագահ Էրդողանը հայտարարել է, որ Թուրքիան և Ադրբեջանը կշարունակեն զարգացնել համագործակցությունը «երկու պետություն, մեկ ազգ» հայեցակարգի շրջանակներում։

14:10, 28 մարտ

Կիպրոսի նախագահ․ «Կարևոր է աստիճանաբար սկսել երկխոսությունը Թուրքիայի հետ»

Փարիզում կայացել է «Խաղաղություն և անվտանգություն Ուկրաինայի համար» խորագրով հանդիպումը, որի ընթացքում հանդիպել են Թուրքիայի փոխնախագահը, Հունաստանի վարչապետը և Կիպրոսի նախագահը։