ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Քաղաքական15:02, 03 Ապրիլ 2025

ԵԽ-ն մտադիր է դիտորդներ ուղարկել Թուրքիա՝ տեղում իրավիճակին ծանոթանալու համար

Եվրոպայի խորհրդի տեղական և տարածաշրջանային ղեկավարությունների կոնգրեսը մտահոգված է Թուրքիայում ժողովրդավարական գործընթացների հետընթացով։ Հատկապես ընդգծվում է ընտրված քաղաքապետերի հեռացումն ու նրանց փոխարեն կառավարական նշանակումների իրականացումը։

Ստամբուլի քաղաքապետ Էքրեմ Իմամօղլուի մարտի 23-ի կալանավորումից հետո Կոնգրեսը հրատապ նիստ էր գումարել՝ քննարկելու իրավիճակը։ Դրանում քննարկվել են եվրոպացի դիտորդների Թուրքիա մեկնելու և տեղում իրավիճակն ուսումնասիրելու հնարավորությունը։

Կոնգրեսի Թուրքիայի համազեկուցող Բրիոնի Ռուդքին ընդգծել է, որ սա ոչ թե իրավական, այլ ժողովրդավարական խնդիր է․ «Մենք ցանկանում ենք տեսնել, որ Թուրքիայում տեղական ինքնակառավարման ժողովրդավարական իրավունքները վերականգնվում են»։

Երկրորդ համազեկուցող Դավիդ Էրայը նշել է, որ հարցը վերաբերում է ոչ միայն մեկ քաղաքական խմբի։ Կոնգրեսը նաև կոչ է արել ազատ արձակել ձերբակալված քաղաքապետերին և դադարեցնել քաղաքական հետապնդումները։

Թուրքիայի իշխանությունները դեռևս չեն արձագանքել նման հնարավոր սցենարին:

Աղբյուր` Agos.com.tr

Այս ենթաբաժնի վերջին նորությունները

20:31, 16 ապր

Ամերիկացի պրոֆեսոր. «Իսրայելն անհանգստացած է Սիրիայում Թուրքիայի ազդեցության աճից»

Ըստ պրոֆեսորի՝ Ահմեդ ալ-Շարայի կողմից ձևավորված նոր կառավարությունում կան Թուրքիայի քաղաքացիներ, ինչն ավելի է մեծացրել Թուրքիայի ազդեցությունը։

17:18, 16 ապր

Իրաքը Թուրքիայի հետ ստորջրյա նավթամուղի կառուցման համաձայնագիր է ստորագրել

Փաստաթղթերը ստորագրվել են թուրքական «ESTA» և իստալական «Micoperi» ընկերությունների հետ:

15:30, 16 ապր

Էրդողանը Սիրիայի շուրջ զարգացումների մասին. «Պետք չէ Թուրքիայի համբերությունը փորձել»

Կառավարության նիստից հետո Թուրքիայի նախագահը դժգոհել է Սիրիայում գործող որոշ ուժերի վարքագծից:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

Պոլսահայ գործիչ․ «Հայերին վիավորած թուրք քաղաքապետը պիտի պատասխան տա»

Թուրք քաղաքապետը հակահայկական գրառում էր արել, ինչի համար Նուրհան Չեթինքայան հանցագործության մասին հաղորդում էր տվել Ստամբուլի դատախազություն։

Թյուրքական պետությունների կազմակերպության անդամ երկրներից 4-ը չեն ճանաչի ինքնահռչակ ՀԿԹՀ-ի անկախությունը

Այդ քայլը թուրքական մամուլում մեծ տարածում է գտել և որակվել որպես դավաճանություն Թուրքիային և Հյուսիսային Կիպրոսի ինքնահռչակ թուրքական հանրապետությանը։