Թուրք կուսակցապետ. «Առանց պատմության ծանր բեռի հետ առերեսվելու՝ Թուրքիայում հնարավոր չէ երջանիկ ու խաղաղ ապագա»

Ցեղասպանություն16:41, 24 Ապրիլ 2025

Թուրք կուսակցապետ. «Առանց պատմության ծանր բեռի հետ առերեսվելու՝ Թուրքիայում հնարավոր չէ երջանիկ ու խաղաղ ապագա»

Թուրքիայում գործող սոցիալիստական «Աշխատանք» կուսակցության (Emek Partisi) առաջնորդ Սեյիթ Ասլանը Հայոց ցեղասպանության 110-րդ տարելիցի կապակցությամբ հանդես է եկել գրավոր հայտարարությամբ։ Նա բարձրացրել է առերեսման անհրաժեշտության հարցը։

Հայտարարության մեջ նա մասնավորապես նշվում է. «110 տարի շարունակ Հայոց ցեղասպանության հետ չառերեսվելը, այս հարցում պաշտոնական դիրքորոշումը ստեղծել է մի մթնոլորտ, որտեղ ճանապարհ է հարթվել նոր հանցագործությունների համար։

Թուրքիայում լույս տեսնող հայկական երկլեզու «Ակոս» շաբաթաթերթի գլխավոր խմբագիր Հրանտ Դինքի սպանությունը 2007-ի հունվարի 19-ին թերթի խմբագրատան առաջ, տեղի ունեցավ որպես այդ հանցագործությունների շղթայի շարունակություն։ Իսկ սպանության պատվիրատուների և կազմակերպիչների պաշտպանությունը՝ նույն քաղաքականության շարունակությունն է»։

Ասլանը նաև հավելել է, որ առանց պատմության ծանր բեռի հետ առերեսվելու՝ Թուրքիայում հնարավոր չէ երջանիկ ու խաղաղ ապագա՝ հիմնված ժողովուրդների հավասար իրավունքների ու փոխադարձ վստահության վրա։

Աղբյուր` evrensel.net

Այս ենթաբաժնի վերջին նորությունները

23:06, 24 ապր

Հայոց ցեղասպանությունը՝ ականտես-վերապրողի վկայությամբ

Այս պատմությունն ականատես-վերապրողի՝ շատախցի Մարուսյա Հակոբյանի խնդրանքով և թելադրանքով է հուշագրված։

16:41, 24 ապր

Թուրք կուսակցապետ. «Առանց պատմության ծանր բեռի հետ առերեսվելու՝ Թուրքիայում հնարավոր չէ երջանիկ ու խաղաղ ապագա»

Թուրքիայում գործող սոցիալիստական կուսակցության առաջնորդ Սեյիթ Ասլանը Հայոց ցեղասպանության 110-րդ տարելիցի կապակցությամբ հանդես է եկել գրավոր հայտարարությամբ։