Polİtİka13:42, 03 Temmuz 2015
BBC. Թուրքիայում մեծ է արտահերթ ընտրությունների հավանականությունը
Անգամ կոալիցիա ստեղծվելու դեպքում Թուրքիայում մեծ է վաղաժամ ընտրությունների հավանականությունը: Այս մասին գրում է BBC-ի թուրքական ծառայությունը: Թուրքիայի իշխող «Արդարություն և զարգացում» կուսակցության (ԱԶԿ-AKP) ներկայացուցիչ Իսմեթ Յըլմազի՝ խորհրդարանի նախագահ ընտրվելու, կոալիցիայի հնարավոր սցենարների և ընդդիմադիր «Ազգայնական շարժում» (ԱՇԿ-MHP) կուսակցության դիրքորոշումները վերլուծող հոդվածում BBC-ն գրում է.
«ԱՇԿ-ի՝ անվավեր ձայներ կիրառելուց հետո ԱԶԿ-ի թեկնածու Իսմեթ Յըլմազի՝ Թուրքիայի ազգային մեծ ժողովի (ԹԱՄԺ-TBMM) նախագահ դառնալով ԱԶԿ-ԱՇԿ կոալիցիայի հավանականության մեծացման մասին կարծիքներ տարածվեցին: Մինչդեռ ԱՇԿ փոխնախագահ Սեմիհ Յալչընը հայտարարեց, որ մեջլիսի նախագահի ընտրություններում ԱՇԿ-ի պահվածքը միտված չի եղել ԱԶԿ-ի հետ հնարավոր համագործակցությանը և ընդհանրապես ԱՇԿ-ն որևէ կուսակցությաան հետ կոալիցիայի վերաբերյալ բացահայտ կամ թաքուն բանակցություններ չի վարում»:
Աղբյուրի վկայությամբ՝ ԱՇԿ-ի՝ անվավեր ձայներ կիրառելով խորհրդարանի նախագահի ընտրությունների վրա ազդելը քննադատվել է մի շարք շրջանակների, այդ թվում՝ ընդդիմադիր «Ժողովրդահանրապետական կուսակցության» (ԺՀԿ-CHP) կողմից: Երեք ընդդիմադիր կուսակցությունների՝ մեջլիսում ավելի շատ մանդատներ ունենալու պարագայում իշխող ԱԶԿ-ի թեկնածուի նախագահ դառնալը գնահատվել է որպես իշխանությունների հաղթանակ:
«ԱԶկ-ում ևս ժխտում են ԱՇԿ-ի կողմից անվավեր ձայների կիրառման՝ ԱՇԿ-ԱԶԿ հնարավոր համագործակցությանն մասին վարկածը, սակայն ԱԶԿ-ի ներսում քիչ չեն նաև նրանք, ովքեր կարծում են, որ ԱՇԿ-ի և ԱԶԿ-ի միջև կարող էր բավական երկար կյանք ունեցող կոալիցիա ստեղծվել: Կան նաև շատ ԱԶԿ-ականներ, որոնք ճիշտ են գտնում ԺՀԿ-ի հետ կոալիցիա ստեղծելու գաղափարը»:
«Մետրոպոլ» հետազոտական կենտրոնի նախագահ Օզեր Սանջարը կարծում է, որ եթե Թուրքիայի նախագահ Ռեջեփ Թայիփ Էրդողանը միջամտի, կարող է ԱԶԿ-ԱՇԿ կոալիցիա ստեղծվել, հակառակ դեպքում վարչապետ Դավութօղլուն կնախընտրի համագործակցել ԺՀԿ-ի հետ:
«Սակայն Էրդողանի մտքին, փոքրամասությունների իշխանության հետ լեզու գտնելով վաղաժամ ընտրությունների գնալն է»,- ընդգծում է Սանջարը:
Իսկ «Քաղաքական, տնտեսական և հասարակական ուսումնասիրությունների» (SETA) հիմնադրամի մասնագետներից Նեբի Միշի կարծիքով ԱԶԿ-ն կքննարկի կոալիցիայի բոլոր հնարավոր տարբերակները, քանի որ եթե առանց դա անելու վաղաժամ ընտրության գնա, ապա կկորցնի իր իշխանությունը: Բայց անգամ կոալիցիայի ստեղծվելու դեպքում երկու տարվա ընթացքում Թուրքիայում արտահերթ ընտրությունների հավանականությունը մեծ է:
Մասնագետը նշել է նաև, որ ԱՇԿ-ն ցանկանում է, որպեսզի իշխող կուսակցությունը սպառի մյուս ընդդիմադիր կուսակցությունների հետ համագործակցության բոլոր ռեսուրսները և վերջում դիմի իրեն: Այդպիսով ԱՇԿ-ն ավելի մեծ շանսեր կունենա նախարարությունների բաժանման և կոալիցիայի ղեկավարման գործում:
Bölümün son haberlerİ
Kızılhaç Heyetinin iletişim programları sorumlusu Zara Amatuni, çalışmalarının formatının ziyaret sırasında gördüklerinin kamuoyunda tartışılmasını içermediğini söyledi.
Bulgaristan Dışişleri Bakanlığı, X'ten yaptığı paylaşımda Ermeni ortaklarına kutlama mesajları için teşekkür etti.
Mirzoyan, 2 Mart 1992’de Ermenistan'ın bağımsız bir devlet olarak uluslararası topluma katıldığını simgeleyen üç renkli bayrağının BM Genel Merkezi’nde göndere çekildiğini hatırlattı.
Alıntı
İranist Begijanyan, Reisi’nin ifadelerini yorumladı: “Ermenistan'a baskı yapılırsa Tahran müdahale eder”
En Çok Okunan
2020 Dağlık Karabağ Savaşı, Güney Kafkasya’daki jeopolitik dengeleri önemli ölçüde değiştirmiş ve Ermenistan-Türkiye ilişkilerinin yeniden değerlendirilmesini zorunlu kılmıştır.
Ermenistan İstatistik Kurulu’nun yayınladığı verilere göre 2024 yılında Ermenistan'a 665 kişi sığınma başvurusunda bulundu.
Amerikalı yönetmen Sean Baker’ın Ermeni oyuncular Karen Karagulian ve Vache Tovmasyan’ın rol aldığı komedi-drama türündeki "Anora" filmi, birkaç Oscar kategorisinde ödül kazandı.
Ermenistan Başbakanı aynı zamanda bugüne kadar söz konusu noktalarda görev yapan Rus Sınır Muhafız Birliklerine de teşekkür etti.
Takvİm
Anket
Bu yıl Ermenistan ile Türkiye devlet sınırı iki ülke vatandaşları için açılır mı?
Pİyasalar
| EUR | TRY | USD |
| 549.84 | 90.05 | 485.12 |