Սիրիայի բարձրագույն կրթության փոխնախարար Աբդյուլհամիդ էլ Հալեդը Թուրքիայի պետական «Anadolu» լրատվական գործակալության հետ զրույցում նշել է, որ Դամասկոսի և Հալեպի համալսարաններում թուրքերենի և թուրքական գրականության բաժին է բացվել:
Վերջինս նշել է, որ այն գործարկվել է Թուրքիայի բարձրագույն կրթական խորհրդի պատվիրակության հետ Դամասկոսում ունեցած շփումների և դրանց արդյունքում կնքված համաձայնագրերի իրականացմամբ:
Հալեդը նշել է, որ տվյալ բաժնի բացումը նախաձեռնություն է՝ միտված երկու երկրների միջև պատմական, մշակութային և սոցիալական հարաբերությունների վերակենդանացմանը, ինչպես նաև դրանք ինստիտուցիոնալ դաշտ տեղափոխելուն:
Փոխնախարար նաև տեղեկացրել է, որ Սիրիայի ու Թուրքիայի համալսարանների միջև մեկնարկելու են ուսանողների փորձի փոխանակման ծրագրեր:
«Թուրքերենը, որպես երկրորդ լեզու, Սիրիայում հետզհետե կարևորվում է: Այս քայլն ամրապդնելու է երկու երկրների միջև կրթական համագործակցության կառուցվածքային ուղղությունը»,- եզրափակել է Հալեդը:
Աղբյուր՝ Haber Global
