Իսրայելի արտգործնախարար Գեդեոն Սաարը հայտարարել է, որ Պաղեստինի Գազայի հատվածում տեղակայվելիք զորախմբի կազմում թուրքական զինուժը չպետք է ներգրավվի:
«Մենք դեմ ենք Գազայում թուրք զինվորի ներկայությանը: Այն պայմանավորված է Թուրքիայի նախագահ Ռեջեփ Թայիփ Էրդողանի կողմից Իսրայելի դեմ տևական ժամանակ դրսևորված թշնամանքով»։
Բացի այդ վերջինս ասել է, որ իրենց դիրքորոշման մասին տեղեկացրել են նաև ԱՄՆ-ին և հավելել, որ այն երկրները, որոնք մտածում են իրենց զինված ուժերն ուղարել Գազա, ամենաքիչը պետք է արդար գտնվել Իսրայելի նկատմամբ: Ավելի վաղ՝ հոկտեմբերի 26-ին Իսրայելի վարչապետ Բենիամին Նեթանյահուն ևս անդրադարձել էր այս թեմային և հայտարարել, որ իրենք են որոշելու, թե որ ուժերն են իրենց համար ընդունելի և որոնք՝ ոչ:
«Սա ԱՄՆ-ի կողմից ևս ընդունելի իրավիճակ է»,- հավելել էր Նեթանյահուն:
Հիշեցնենք, որ Թուրքիայի ՊՆ ներկայացուցիչները ամենշաբաթյա մամուլի ասուլիսի ժամանակ հայտարարում են, որ բանակցություններ են տարվում Գազայում թուրքական զինուժի ներկայության մասով և զուգահեռ շեշտում, որ Թուրքիայի զիված ուժերը պատրաստ են այդ հատվածում ստանձնել իրենց հանձնարարվելիք յուրաքանչյուր առաջադրանք:
Աղբյուր՝ Diken
Թուրքիայում քամու և արևային էներգիայի մասբաժինը հասել է 33 տոկոսի
Երկրի ընդհանուր էլեկտրաէներգետիկ հզորությունը կազմել է 124 հազար 891 մեգավատ։
