Թուրքիայի արտգործնախարարը մեկնում է Պորտուգալիա

Հունվարի 5-ին Թուրքիայի արտաքին գործերի նախարար Հաքան Ֆիդանն աշխատանքային այցով կմեկնի Պորտուգալիա: Նա կհանդիպի Պորտուգալիայի արտգործնախարար Պաուլո Ռանգելի հետ։ Կողմերը կքննարկեն Թուրքիայի և Պորտուգալիայի միջև երկկողմ հարաբերությունների զարգացմանն ուղղված քայլերը և կանդրադառնան Թուրքիա-Եվրամիություն (ԵՄ) հարաբերությունների ներկայիս վիճակին, ռուս-ուկրաիանական հակամարտության ավարտին և Գազայում տիրող իրավիճակին։

Երկու երկրների միջև առևտրի ծավալը 2024-ին կազմել է 2.9 մլրդ դոլար, իսկ 2025-ի 10 ամիսներին հասել է 3.1 մլրդ դոլարի։ Նշենք նաև, որ Թուրքիան և Պորտուգալիան շարունակում են ընդլայնել համագործակցությունը ռազմարդյունաբերության ոլորտում։

Աղբյուր՝ TRT Haber