Թուրքիայի նախագահ Ռեջեփ Թայիփ Էրդողանը հանդիպել է Մալայզիայի վարչապետ Էնվեր Իբրահիմի հետ: Նրանք մասնակցել են նաև «Թուրքիա-Մալայզիա բարձր մակարդակի ռազմավարական համագործակցության խորհրդի 1-ին նիստին, որին հաջորդել է 7 համաձայնագրի ստորագրման արարողությունը: Դրանք վերաբերելեն կրթական, տնտեսական, գիտահետազոտական և հաղորդակցային ոլորտներին:
Արարողությունից հետո առաջնորդները համատեղ մամուլի ասուլիս են տվել, որի ընթացքում Էրդողանն անդրադարձել է երկու երկրների հարաբերություններին՝ դրանք բնութագրելով բարեկամական: Վերջինս նաև հույս է հայտնել, որ ձևավորված մեխանզիմով այն էլ ավելի է ամրապնդվելու:
Բացի այդ, Էրդողանը հայտարարել է, որ ստորագրված փաստաթղթերի արդյունքում Թուրքիայի ամենամեծ առևտրային գործընկերը «Հարավարևելյան Ասիայի պետությունների ասոցիացիա»-ից (ASEAN) դարձել է Մալայզիան։
Թուրքիայի նախագահը նաև շեշտել է, որ երկու երկրների միջև առկա է ազատ առևտրի համաձայնագիր, ապա նշել, որ մտադիր են երկու երկրների միջև առևտրաշրջանառության ծավալը հասցնել 10 մլրդ դոլարի: Նա հիշեցրել է, որ այդպիսի հայտարարությամբ ինքն ավելի վաղ հանդես էր եկել Կուալա Լումպուր կատարած այցի ընթացքում:
Աղբյուր՝ Trt Haber
