Թուրքիայում իշխող «Արդարություն և զարգացում» կուսակցության (ԱԶԿ-AKP) խոսնակ Օմեր Չելիքը ելույթ է ունեցել կուսակցության կենտրոնական գործադիր խորհրդի նիստին: Չելիքն ուշադրություն է հրավիրել Իրանում տիրող իրավիճակի վրա:
«Մենք երբեք չենք ցանկացել, որ մեր հարևան Իրանում որևէ քաոս ստեղծվի և իհարկե, այս հարցում մենք նաև չենք անտեսում Իրանի հասարակության և պետության կյանքում առկա որոշ խնդիրներ»,-ասել է Չելիքը:
Նա ընդգծել է, որ այդ խնդիրները պետք է լուծվեն և հաղթահարվեն Իրանի հասարակության սեփական դինամիկայով և Իրանի սեփական ազգային կամքով, ապա հավելել, որ դրսից միջամտությունը, մասնավորապես, Իսրայելի հրահրմամբ և վերջինիս մի շարք նպատակների իրականացման համատեքստում ավելի վատ հետևանքներ է ունենալու ու ավելի մեծ ճգնաժամ է ստեղծելու:
«Այդ իսկ պատճառով էլ ավելի մեծ ճգնաժամ չստեղծելու և տարածաշրջանն էլ ավելի շատ խնդիրների մեջ չթաթախվելու համար մենք կարևորում ենք կայունությունն Իրանում»,- եզրափակել է Չելիքը:
Հիշեցնենք, որ2 շաբաթից ավել է, ինչ Իրանում հակակառավարական ցույցերը շարունակվում են: Վերջին տվյալների համաձայն՝ զոհերի թիվը գերազանցում է 600-ը, իսկ ձերբակալվածներինը՝ 10.000-ը:
Աղբյուր՝ Trthaber
