Թուրքիայի արևելյան հատվածում գտնվող Վան նահանգի Չաթաք շրջանում ձյան առատ տեղումները խաթարել են կյանքի բնականոն ընթացքը։ Բազմաթիվ գյուղերում ձյան շերտը հասել է մի քանի մետրի։ Մեկհարկանի տները գրեթե ամբողջությամբ մնացել են ձյան տակ։
Բնակիչները տներին և անասնագոմերին հասնելու համար սեփական ուժերով ձյան միջով թունելներ են բացել։ Գյուղացիները նշում են, որ կենդանիներին կեր հասցնելու համար ստիպված են անցնել այդ թունելներով։
Չաթաքի համայնքային ծառայությունները ճանապարհները բաց պահելու համար աշխատում են շուրջօրյա, իսկ տարածաշրջանում ձյան տեղումները և բուքը դեռ շարունակվում են:
Աղբյուր՝ Haberler
