Թուրքիան տեխնիկական աջակցություն է ցուցաբերում ականազերծմանը Սիրիայում

Թուրքական մամուլի հաղորդագրությունների համաձայն՝ Թուրքիայի ռազմական արդյունաբերության արտադրանքը ներգրավված է Սիրիայի տարածքում իրականացվող ականազերծման աշխատանքներում։ Նշվում է, որ Սիրիայի իշխանությունները, երկրի որոշ շրջաններում անվտանգության վերահաստատումից հետո, տեխնիկական աջակցություն են ստանում Թուրքիայից։

Հաղորդագրությունների համաձայն՝ թուրքական արտադրության «MEMATT» մեխանիկական ականազերծման համակարգերը կիրառվում են Դամասկոսի մերձակայքում՝ Աքրաբայի օդանավակայանի շրջակայքում իրականացվող գործողությունների ընթացքում։ Ըստ աղբյուրների՝ 10 քկմ տարածքում շուրջ 90 ժամ տևած աշխատանքների ընթացքում ոչնչացվել է 1100 հակահետևակային ական։

Նշվում է նաև, որ «MEMATT»-ը նախկինում արտահանվել է Ադրբեջան և օգտագործվել Լեռնային Ղարաբաղում իրականացված ականազերծման գործողությունների ժամանակ։

Աղբյուր՝ haber7.com