Անկարայի գլխավոր դատախազության ռազմական հանցագործությունների հետաքննության բյուրոն շարունակում է Թուրքիայի ռազմաօդային ուժերի հրամանատարությանը պատկանող «C130» ռազմական բեռնատար ինքնաթիռի գործով քննությունը։
Հետաքննության ընթացքում պարզվել է, որ ինքնաթիռի վթարի ենթարկվելու գործում արտաքին միջամտություն չի եղել և ինքնաթիռում պայթուցիկների հետքեր չեն հայտնաբերվել։ Թուրքական կողմը նշել է, որ Վրաստանի հետ կնքված համաձայնագրերի շրջանակում ապացույցներն առանց խեղաթյուրման հասել են Թուրքիա։
Հավելենք, որ այն վթարի էր ենթարկվել 2025-ի նոյեմբերի 11-ին Ադրբեջան-Վրաստան սահմանին և վթարի հետևանքով զոհվել էր 20 զինվոր։
Աղբյուր՝ Yeni Şafak
