Թուրքիան առաջին անգամ երկրի սահմաններից դուրս է ուղարկել «Çağrı Bey» ստորջրյա հորատիչ նավը։ Այն հասել է Սոմալի՝ նավթի ու բնական գազի որոնման աշխատանքներ իրականացնելու համար։
Նախատեսվում է, որ թուրքական հորատիչ նավը որոնման աշխատանքներ կսկսի Սոմալիի ափերից 372 կմ հեռավորության վրա։ Նշենք, որ ավելի վաղ թուրքական «Oruç Reis» հետախուզական նավը ուսումնասիրել էր Սոմալիի ափերը ու պարզել էր, որ առկա են նավթի ու բնական գազի պաշարներ։
Հորատման աշխատանքներում ներգրավված է 500 մարդ, օժանդակ նավեր, իսկ աշխատանքները կտևեն 288 օր։
Աղբյուր՝ Ekonomim.com
