Թուրքիայի Էլազըղ նահանգի նահանգապետ Նուման Հաթիփօղլուն Զատկի տոնի առթիվ այցելել է տեղաբնակ հայերին։ Նա բարեմաղթանքներ է հղել քրիստոնյա քաղաքացիներին՝ մաղթելով առողջություն, խաղաղություն և բարօրություն։
Այցը տեղի է ունեցել Շահինքայա թաղամասում գտնվող Սուրբ Նշան սրահում, որտեղ կազմակերպված հանդիպման ընթացքում նահանգապետը շնորհավորել է տեղի հայ համայնքի ներկայացուցիչներին և կիսել նրանց տոնական տրամադրությունը։
Նուման Հաթիփօղլուն ընդգծել է, որ տարբեր հավատքների և մշակույթների համակեցությունը կարևոր արժեք է՝ նշելով, որ փոխադարձ հարգանքն ու ըմբռնումը հասարակական համերաշխության հիմքն են։
Նա նաև նշել է, որ անհրաժեշտ է պահպանել այնպիսի միջավայր, որտեղ քաղաքացիները կարող են ազատ ապրել իրենց հավատքի համաձայն և շարունակել ամրապնդել հանրային միասնականությունը։
Աղբյուր՝ www.kanal23.com
