Զարգանում է թուրք-խորվաթական ռազմական համագործակցությունը

Անթալիա քաղաքում անցկավող 5-րդ Անթալիայի դիվանագիտական ֆորումի ն մասնակցող Խորվաթիայի բոսնիական ազգային փոքրամասնության խորհրդի նախագահ և պատգամավոր Արմին Հոջիչը զրուցել է Թուրքիայի «Anadolu» պետական լրատվական գործակալության հետ։ Նա շեշտել է, որ 2025-ին Խորվաթիան Թուրքիայից գնել է 6 միավոր ռազմական անօդաչու թռչող սարք (Bayraktar TB2)՝ կարևորելով կողմերի ռազմական համագործակցության զարգացումը։

«Ռազմական ուժի տեսանկյունից մենք փոքր երկիր ենք։ Թուրքիայի նման մեծ երկրի հետ նման համագործակցությունը Խորվաթիայի համար, իսկապես, շատ կարևոր է»։

Հոջիչը նաև նշել է, որ Խորվաթիան և Թուրքիան ունեն բազմաթիվ ընդհանրություններ, հատկապես մշակույթի և լեզվի ոլորտներում։ Բացի այդ Խորվաթիայում, Բոսնիա և Հերցեգովինայում և տարածաշրջանի մյուս երկրներում գործող Թուրքիայի համագործակցության և համակարգման գործակալության (TİKA) հետ իրենք բազմաթիվ նախագծեր են իրականացնում։

Աղբյուր՝ Anadolu