Թուրքիայի փոխնախագահ Ջևդեթ Յըլմազը Երևանում Հայաստանի վարչապետ Նիկոլ Փաշինյանի հետ հանդիպման վերաբերյալ գրառում է արել X-ի իր էջում։
«Երևանում, որտեղ, ներկայացնելով մեր նախագահ Ռեջեփ Թայիփ Էրդողանին, մասնակցում եմ Եվրոպական քաղաքական համայնքի 8-րդ գագաթնաժողովին, համապարփակ և արդյունավետ հանդիպում ունեցա Հայաստանի վարչապետ պարոն Նիկոլ Փաշինյանի հետ։ Պարոն Փաշինյանի հետ մեր հանդիպման ընթացքում համապարփակ կերպով քննարկեցինք մեր երկկողմ հարաբերությունները։ Մենք նաև հնարավորություն ունեցանք քննարկելու այն քայլերը, որոնք կամրապնդեն (կարող են ամրապնդել) տրանսպորտային, մաքսային, էներգետիկ և թվային ենթակառուցվածքները, ինչպես նաև փոխկապակցվածությունը»։
Յըլմազը նշել է, որ կարգավորման գործընթացում ձեռնարկված փոխադարձ կառուցողական քայլերի արդյունքում ձեռք բերված շոշափելի առաջընթացը Թուրքիային նույնպես գոհունակություն է պատճառում։
«Հավատում ենք՝ համագործակցության խորհրդանշական և հստակ ոլորտները, ինչպիսին է Անիի կամրջի համատեղ վերականգնումը, որի շուրջ այսօր մենք ստորագրեցինք փոխըմբռնման հուշագիր, կնպաստեն կայուն խաղաղությանը և անվտանգ միջավայրին։ Հիմնվելով տարածաշրջանային խաղաղության, երկխոսության և կայունության վրա՝ մենք վճռականորեն կշարունակենք մեր մոտեցումը, որը միտված է Հարավային Կովկասում հարաբերությունների կարգավորմանը նպաստելուն, տնտեսական համագործակցությունը մեծացնելուն և մեր ժողովուրդների միջև կապերը ամրապնդելուն»,-ընդգծել է Թուրքիայի փոխնախագահը։
Նա նաև շնորհակալություն եմ հայտնել Փաշինյանին ջերմ հյուրընկալության համար։
Աղբյուր՝ TRT Haber
