Թուրքիայի Մերսին նահանգի Տարսուս և Չամլըյայլա շրջաններում 37-ամյա Մեթին Օ.-ն սպանել է 6 մարդու, այդ թվում՝ նախկին կնոջը: Հանցագործը նաև վիրավորել է 8 մարդու: Իրադարձությունները սկսվել են այն ժամանակ, երբ Մեթին Օ.-ն գնացել է Քադելի թաղամասի մսի խանութ-ռեստորան, որտեղ նա աշխատել էր մոտ մեկ տարի առաջ։ Նա ատրճանակով կրակել է իր նախկին գործընկեր Ահմեթ Էրջանին և խանութի սեփականատեր Սաբրի Փանին, ապա փախել սպիտակ մեքենայով։
Փախուստի ճանապարհին մեկ այլ թաղամասում կանգ առնելով՝ նա բենզալցակայանում կրակել և սպանել է բեռնատարի վարորդ Գյոքայ Սելֆիօղլուին, նույն տարածքում հանդիպել է Աբդուլլահ Քոջային՝ ով մոտոցիկլետով էր, վրաերթի ենթարկել, ինչից հետո մոտոցիկլետը կողաշրջվել է, իսկ վարորդը՝ մահացել։
Մերսինի ոստիկանությունը սերիական մարդասպանի մասին ահազանգեր ստանալուց հետո ձեռնարկել են համապատասխան միջոցառումներ հանցագործին հայտնաբերելու համար։ Կասկածյալի հայտնաբերման աշխատանքներին մասնակցել են ուղղաթիռներ և կինոլոգիական խմբեր։ Կասկածյալը, հայտնվելով փակուղում, ինքնասպան է եղել։
Աղբյուր՝ Rudaw
