Հունական «To Vima» պարբերականի փոխանցմամբ՝ Աթենքում ներքաղաքական քննարկումների պատճառ է դարձել կառավարության որոշումը՝ Էգեյան ծովի Կարպաթոս կղզուց ամերիկյան հակաօդային պաշտպանության (ՀՕՊ) «Patriot» համակարգերը հետ քաշելու վերաբերյալ։ Քննադատները դա գնահատում են որպես ռազմավարական սխալ՝ հատկապես այն ֆոնին, երբ Անկարան պատրաստվում է ներկայացնել ծովային իրավասություններին վերաբերող նոր օրինագիծ։
Նշվում է, որ Հունաստանի իշխանությունները փորձել են մեղմել արձագանքը՝ հայտարարելով կղզում ֆրանսիական «Mirage» կործանիչներ տեղակայելու մասին, սակայն ենթակառուցվածքային խնդիրների պատճառով դրանց տեղակայումը հետաձգվել է։
Հունաստանի արտգործնախարարն Գիորգոս Գերապետրիտիսն էլ հայտարարել է, որ տարիների ընթացքում Հունաստանի և Թուրքիայի միջև ուժերի հարաբերակցությունն աստիճանաբար փոխվել է հօգուտ Անկարայի: Բացի այդ վերջինս հավելել է, որ թուրք-հունական հարաբերություններում կարևորագույն հանգրվան է հասունացել և առաջիկա շաբաթները վճռորոշ են լինելու Աթենք-Անկարա հարաբերությունների հետագա զարգացման համար։
Աղբյուր՝ Gazete Oksijen
