Թուրքիայի և Հյուսիսային Կիպրոսի միջև ստորջրյա գազատար կանցկացվի

Թուրքիայի փոխնախագահ Ջևդեթ Յըլմազն Անկարայում հանդիպել է Հյուսիսային Կիպրոսի ինքնահռչակ թուրքական հանրապետության (ՀԿԹՀ) վարչապետ Ունալ Ուսթելի հետ։ Կողմերը հայտնել են, որ աշխատանքներ են տարվում «փոխադարձ բնական գազի մատակարարման» ուղղությամբ։

Քննարկվել է մասնավորապես Թուրքիայից դեպի ՀԿԹՀ էլեկտրաէներգիայի և բնական գազի խողովակաշարերի կառուցման նախագծերը։

Յըլմազը նշել է, որ կողմերը մտադիր են  կարճ ժամանակում տեխնիկական ուսումնասիրություններից հետո անցնել ներդրումների փուլին։ Ըստ նրա՝ չնայած Եվրամիության (ԵՄ0 մակարդակով մալուխային էլեկտրաէներգիայի նախագծի հետ կապված որոշ խնդիրներ կան, բայց բնական գազի մատակարարման նախագիծն ամբողջովին կախված է երկու երկրների որոշումից։

Յըլմազը նաև հայտնել է, որ հունիսին կստորագրվի փոխըմբռնման հուշագիր, որին կհաջորդի միջկառավարական համաձայնագիր՝ ՀԿԹՀ-ի ստորջրյա բնական գազի խողովակաշարի անցկացման վերաբերյալ։

Նշենք, որ Թուրքիան Սև ծովի Սաքարյա գազի հանքավայրում արդյունահանումը սկսել է 2023-ին, բայց շարունակում է մեծապես կախված լինել բնական գազի ներմուծումից: Թուրքիան գազ է ստանում խողովակաշարով Ռուսաստանից, Ադրբեջանից և Իրանից, իսկ հեղուկ գազ ստանում է ԱՄՆ-ն, Ալժիրից և Օմանից։ Փոխադարձ գազամատակարարման նախագծով Թուրքիան կմոտենա տարածաշրջանային էներգետիկ կենտրոն դառնալու նպատակին։

Աղբյուր՝ Hurriyet