Թուրքիայի արտգործնախարարությունը կոշտ հաղորդագրություն է տարածել Իսրայելի կառավարության՝ Հայոց ցեղասպանությունը պաշտոնապես ճանաչելու նախագծի ընդունման վերաբերյալ:
Գերաստեսչությունը նախ Իսրայելին մեղադրել է Գազայի բնակիչների դեմ ցեղասպանություն կատարելու մեջ, ապա՝ Հայոց ցեղասպանություն տերմինի փոխարեն օգտագործելով «1915-ի իրադարձություններ» արտահայտությունը պնդել, դրա վերաբերյալ միաձայն ընդունված որոշումը քաղաքական է և այպիսով Իսրայելը նպատակ ունի քողարկել սեփական հանցագործությունները։
Թուրքիայի ԱԳՆ-ն Իսրայելի քայլը որակել է «իրավական և պատմական իրողություններն անտեսող, չարամիտ նախաձեռնություն»: Պնդում է կատարվել, թե այսպիսով բացահայտվում է, թե ինչպիսի ծանր իրավիճակում է հայտնվել Իսրայելի նախագահ Բենիամին Նեթանյահուն և նրա թիմակիցները, որոնց նկատմամբ Միջազգային քրեական դատարանում իրականացվող քննության շրջանակում տրվել են ձերբակալման հրամաններ։
«Թուրքիան վճռականորեն կշարունակի աշխատել, որպեսզի վերջ դրվի Իսրայելի՝ տարածաշրջանում ընդլայնմանը և ապակայունացմանը միտված քաղաքականությանը, և որպեսզի Նեթանյահուի կառավարությունը պատասխանատվության ենթարկվի օրենքի առաջ՝ Պաղեստինի ժողովրդի և քաղաքացիական բնակչության դեմ գործած հանցագործությունների համար»,- ասվել է հաղորդագրությունում:
Աղբյուր՝ Ermenihaber.am
