ԱՄՆ նախագահ Դոնալդ Թրամփի՝ Անկարա կատարած պաշտոնական այցի ընթացքում չի այցելել Թուրքիայի հիմնադիր-նախագահ Մուստաֆա Քեմալ Աթաթուրքի դամբարան (Անըթքաբիր)։ Դա դժգոհության մեծ ալիք է բարձրացրել հատկապես Թուրքիայի ընդդիմության շրջանում ու նրանք այդ քայլը որակել են որպես «անհարգալից վերաբերմունք»։
Թուրքիայի գլխավոր ընդդիմադիր ուժ համարվող «Ժողովրդահանրապետական կուսակցության» (CHP-ԺՀԿ) անդամ Նամըք Թանը, անդրադառնալով թեմային, նշել է, որ Անըթքաբիր այցելելը հարգանքի նշան է թուրք ժողովրդի հանդեպ։ Վերջինս չայցելելու համար քննադատել է Թրամփին՝ նշելով, որ ԱՄՆ նախագահը Թուրքիայի հետ հարաբերությունները պատկերացնում է միայն Էրդողանի հետ փակ դռների հետևում անցկացվող բանակցություններով։
Թանի խոսքով՝ նախկինում Թուրքիա այցելած ԱՄՆ 5 նախագահներն էլ այցելել են դամբարան, իսկ Թրամփը փաստացի եղել է միակը, ով չի արել դա:
Մեկ այլ ընդդիմադիր՝ «İYİ» (Լավ) կուսակցության, անդամ Ահմեդ Էրոզանն էլ ենթադրել է, որ Թրամփին այդ քայլից կարող է հետ պահած լինել հենց թուրքական կողմը։ Ըստ նրա՝ քանի որ Անկարայում ընթանում է ՆԱՏՕ-ի գագաթնաժողովը, Թրամփի այցելության դեպքում մյուս երկրների առաջնորդները նույնպես կցանկանային գնալ Անըթքաբիր, ինչը կարող էր հանգեցնել կազմակերպչական խնդիրների։
ԱՄՆ դեսպանատունն ու Սպիտակ տունը հրաժարվել են մեկնաբանել այցի չեղարկման պատճառները։
Աղբյուր՝ Cumhuriyet
