«GENAR» հետազոտական կենտրոնը Թուրքիայի 3000 ընտրողի շրջանում սոցհարցում է անցկացրել՝ պարզելու, թե վերջիններս որ քաղաքական ուժի օգտին են պատրաստվում քվեարկել առաջիկա ընտրություններում: Արդյունքների համաձայն՝ Թուրքիայի իշխող «Արդարություն և զարգացում» կուսակցությունը (ԱԶԿ-AKP) պահպանել է առաջատարի դիրքը: Կուսակցության օգտին քվեարկելու պատրաստակամություն է հայտնել հարցվածների 35.4%-ը:
Սոցհարցման արդյունքերում ուշագրավ է համարվել Թուրքիայի գլխավոր ընդդիմադիր ուժը համարվող «Ժողովրդահանրապետական» կուսակցության (ԺՀԿ-CHP) նախկին առաջնորդ Օզգյուր Օզելի կողմից վերջերս ստեղծված «Նոր կուսակցության» (YENI Parti) գրանցած ցուցանիշը: Այդ կուսակցությունը կարճ ժամանակահատվածում հավաքել է ձայների 14.5%-ը և ընդամենը 0.9 տոկոսային կետով է զիջել «ԺՀԿ»-ին, որի օգտին քվեարկելու մասին հայտնել է հարցվածների 15.4%-ը
Միևնույն ժամանակ հարցումը ցույց է տվել ընտրողների շրջանում առկա մեծ անորոշությունը: Հարցվածների 16.8%-ը նշել է, որ դեռևս կողմնորոշված չէ, իսկ 11.8%-ը հայտնել է, որ չի մասնակցելու քվեարկությանը: Նշվում է, որ որևէ կուսակցության նախապատվություն չտվողները կազմել են հարցվածենրի 29.9%-ը, ինչը վճռորոշ ազդեցություն կարող է ունենալ ընտրությունների վերջնական արդյունքների վրա:
Աղբյուր՝ Rudaw
