Թուրքական «IHA» լրատվական գործակալությունը, հղում անելով Թուրքիայի ներքին գործերի նախարարությանը, հայտնել է, որ Բաթումից օդ բարձրացած «Aerospool WT-9 Dynamic» ինքնաթիռն արտակարգ վայրէջք է կատարել Թուրքիայում։
Ինքնաթիռում եղել են Բելգիայի երկու քաղաքացի։ Այն արտակարգ վայրէջք է կատարել Ռիզե նահանգի ափերի մոտ։ Ինքնաթիռն ափ է դուրս բերվել առափնյա պահպանության ծառայության խմբերի կողմից։ Նշվում է, որ Բելգիայի քաղաքացիները հոսպիտալացվել են, սակայն նրանց առողջական վիճակի վերաբերյալ դեռևս տեղեկություն չկա։
Հաղորդվում է, որ ինքնաթիռն ի սկզբանե ուղևորվում էր Օրդուի օդանավակայան, սակայն շարժիչի խափանման պատճառով չի կարողացել հասնել նպատակակետին։
Աղբյուր՝ İHA
