Թուրքիայի քաղաքացիների մասնակցությամբ բռնարարքների և բախումների հետևանքով Չեռնոգորիան (Մոնտենեգրո) ժամանակավորապես դադարեցրել է Թուրքիայի քաղաքացիների համար:
Տեղական աղբյուրների համաձայն՝ ցույցերը սկսվել են Պոդգորիցայում, երբ թուրքերը հարձակվել են 25-ամյա մի չեռնոգորացի երիտասարդի վրա, ծեծի ենթարկել ու դանակահարել նրան։ Դեպքից հետո մայրաքաղաքի Զաբյելո թաղամասում հակաթուրքական ցույցեր են սկսվել։ Հավաքվածները վանկարկել են «Մահ թուրքերին» կարգախոսը և հրկիզել թուրքերին պատկանող խանութները։
Չեռնոգորիայի վարչապետ Միլոյկո Սպաիչը հայտարարել է, որ երկրի անվտանգության նկատառումներով Թուրքիայի քաղաքացիների համար կիրառվող վիզային ազատ ռեժիմը ժամանակավորապես կասեցվում է։
Ոստիկանությունը հայտնել է, որ առնվազն Թուրքիայի 45 քաղաքացի, այդ թվում՝ միջադեպի հիմնական մասնակիցները, բերման են ենթարկվել և կարտաքսվեն երկրից։ Տեղական մամուլը գրում է, որ իրավապահ մարմինները շարունակելու են վերահսկողությունը՝ հնարավոր իրավախախտումների դեպքում կիրառելով պատժամիջոցներ։
Տեղի ունեցածից հետո Թուրքիայի արտաքին գործերի նախարարությունը հայտարարություն է տարածել՝ նշելով, որ իրադարձությունները բոլոր մանրամասներով ուշադիր վերահսկվում են և Չեռնոգորիայի իշխանությունների հետ շարունակվում է մշտական կապն ու համակարգումը՝ Թուրքիայի քաղաքացիների անվտանգությունը երաշխավորելու նպատակով։
Աղբյուր՝ Rudaw
