Թուրքիայի փոխնախագահ Ջևդեթ Յըլմազը Բրազիլիայի Բելեմ քաղաքում մասնակցել է ՄԱԿ-ի Կլիմայի փոփոխության մասին շրջանակային կոնվենցիայի կողմերի 30-րդ համաժողովին (COP30)։ Այդ մասին նա գրառում է արել X-ի հարթակում։ Համաժողովի շրջանակներում Յըլմազը հանդիպել է Ադրբեջանի խորհրդարանի նախագահ Սահիբա Գաֆարովայի, Իրանի փոխնախագահ Շինա Էնսարի, Ռուսաստանի փոխնախագահ և կլիմայական հարցերով հատուկ ներկայացուցիչ Ռուսլան Էդելգերիևի և Սիրիայի նախագահ Ահմեդ ալ-Շարայի հետ։
«Որպես Թուրքիա վճռական ենք ամրապնդել Ադրբեջանի, Սիրիայի, Իրանի և Ռուսաստանի հետ խոր արմատներ ունեցող բազմաշերտ մեր հարաբերությունները, կառուցողական երկխոսությունը, ինչպես նաև առաջ մղել մեր տարածաշրջանում խաղաղության, կայունության և մնայուն զարգացմանն աջակցող համագործակցության մեխանիզմները։ Գլոբալ մասշտաբով կշարունակենք պահպանել սերտ խորհրդակցություններ ու համերաշխություն մեր բոլոր շահագրգիռ կողմերի հետ՝ հանուն արդար, ընդգրկող և տևական կլիմայի դիվանագիտության», – նշել է Յըլմազը։
Աղբյուր՝ TRT Haber
