Ուկրաինայի նախագահ Վոլոդիմիր Զելենսկին նոյեմբերի 18-ին Իսպանիայում ունեցած հանդիպումներից հետո արած հայտարարություններում նշել է, որ նոյեմբերի 19-ին հանդիպումներ է ունենալու Թուրքիայում:
«Մենք պատրաստվում ենք վերակենդանացնել բանակցությունները և զարգացրել ենք լուծումներ, որոնք պետք է ներկայացնենք մեր գործընկերներին: Պատերազմի ավարտը մոտեցնելու համար ամեն հնարավոր բան անելն Ուկրաինայի ամենամեծ առաջնահերթությունն է»,- ասել է Զելենսկին:
Հիշեցնենք, որ վերջին անգամ Ռուսաստանի և Ուկրաինայի ներկայացուցիչները խաղաղության շուրջ Թուրքիայում բանակցել են ընթացիկ տարվա հուլիսի 23-ին:
Աղբյուր՝ CNN Türk
