Թուրքիայի գլխավոր ընդդիմադիր ուժ համարվող, քեմալական «Ժողվրդահանրապետական» (ԺՀԿ-CHP) կուսակցության պատգամավոր Ալի Օզթունչն անդրադարձել է վերջերս ԱՄՆ-ի հետ բնական գազի վերաբերյալ կնքված համաձայնագրերին։
Միջանկյալ նշենք,որ սույն թվականի սեպտեմբերին Թուրքիայի նախագահ Ռեջեփ Թայիփ Էրդողանը մեկնել էր ԱՄՆ, որտեղ ստորագրվել էին էներգետիկ ոլորտում պայմանագրեր։
Պատգամավորը նշում է, որ չնայած նրան, որ ԱՄՆ-ից Թուրքիա բնական գազի ներմուծումը 8 տարվա ընթացքում աճել է 23 անգամ, այնուհանդերձ երկու երկրների միջև ստորագրվել են նոր համաձայնագրեր էներգետիկ ոլորոտում։
Այդ համատեքստում պատգամավորը նշել է, որ Թուրքիան միջև 2045-ը ԱՄՆ-ից հեղուկ բնական գազ ներմուծելու համար կվճարի 43 մլրդ դոլար։ Օզթունչը նաև հիշեցրել է, որ ԱՄՆ պետքարտուղար Մարկո Ռուբիոն Թուրքիայի արտգործնախարար Հաքան Ֆիդանի հետ հանդիպման ժամանակ ասել է մի՛ օգտագործեք ռուսական էներգիակիրները, իսկ ԱՄՆ նախագահ Դոնալդ Թրամփն էլ ասել է մի՛ գնեք բնական գազ ՌԴ-ից և Էրդողանը չի վերցնում/չի գնում։
«Եղանակները լավ ցրտելու են, էներգետիկ ճգնաժամը դռան շեմին է, կառավարությունը հետևում է»,- նշել է ընդդիմադիր պատգամավորը։ Ի հավելում վերոնշյալի՝ Օզթունչը նաև շեշտել է, որ Ռուսաստանի և Թուրքիայի միջև կնքված «Կապույտ հոսք» և «Թուրքական հոսք» համաձայնագրերի ժամկետը լրանալու է տարեվերջին ու մատնանշել է, որ ձմռան ամիսներին Թուրքիան կարող է բնական գազի պակաս զգալ։
Օզթունչն այս հարցը բաձրաձայնել է Թուրքիայի Ազգային մեծ ժողովում։ Նա հարց է հղել Թուրքիայի էներգետիկայի և բնական պաշարների նախարար Ալփասլան Բայրաքթարին՝ նշելով. «Արդյո՞ք ԱՄՆ-ն ճնշում է գործադրում Թուրքիայի վրա Ռուսաստանից բնական գազ և նավթ չգնելու համար։ Սկսվե՞լ են բանակցություններ Ռուսաստանի հետ բնական գազի պայմանագրերի շուրջ։ Հնարավո՞ր է, որ Ռուսաստանը խստացնի նոր պայմանագրի պայմանները»։
Աղբյուր՝ Sözcü
