Թուրքիայի նախագահ Ռեջեփ Թայիփ Էրդողանի գլխավորությամբ կառավարության նիստ կգումարվի: Նիստի օրակարգում անդրադարձ կկատարվի Սիրիայում տեղի ունեցող զարգացումներին, «Սիրիայի ժողովրդավարական ուժերի» (SDG) կողմից մարտի 10-ի համաձայնության շրջանակներում իրականացվելիք գործողություններին, համաշխարհային զարգացումներին, ինչպես նաև երկրի ներքին հարցերին, այդ թվում՝ «Թուրքիան առանց ահաբեկչություն տեսլականին»:
Նիստի ընթացքում մասնավորապես քննարկվելու է Թուրքիայի կողմից ահաբեկչական ճանաչված «Քուրդիստանի բանվորական կուսակցության» ինքնալուծարման և զենքերը վայր դնելու որոշման վերաբերյալ վերջին զարգացումները, ինչպես նաև հետախուզական զեկույցները:
Ներքին հարցերի մասով անդրադարձ է արվելու նվազագույն աշխատավարձի փոփոխությունների շուրջ տարվող գործընթացներին: Մասնավորապես սպասվում է, որ կառավարության և գործատուների ներկայացուցիչների մասնակցությամբ կայանալիք առաջին խորհրդաժողովից հետո համապարփակ քննարկում կլինի նախագահականում, իսկ համապատասխան որոշումը կընդունվի միչև դեկտեմբերի 31-ը:
Համաշխարհային զարգացումների համատեքստում անմասն չի մնալու ռուս-ուկրաինական պատերազմը, խաղաղությանը միտված գործողությունները, ինչպես նաև Պաղեստինի Գազայի հատվածում տիրող հումանիտար իրավիճակը և արտաքին քաղաքականության զարգացումները: Քննարկման սեղանին է նաև Թուրքիայի առաջնորդությամբ իրականացվող դիվանագիտական աշխատանքները, ինչպես նաև միջազգային հանրության հետ համատեղ ձեռնարկվելիք քայլերը:
Աղբյուր՝ Trt Haber
