Էրդողան․ «Նոր աշխարհակարգում Թուրքիան լինելու է ուժային կենտրոններից մեկը»

Թուրքիայի նախագահ Ռեջեփ Թայիփ Էրդողանը հայտարարել է, որ ձևավորվող նոր աշխարհակարգում Թուրքիան դառնալու է առանցքային դերակատար: Ըստ նրա՝ այն դիրքորոշումները, որոնք տարիներ շարունակ ենթարկվում էին քննադատությունների, այսօր ավելի լավ են ընկալվում, իսկ հատկապես Սիրիայի քաղաքականության շուրջ հնչած մեղադրանքները ժամանակի ընթացքում փոխակերպվել են դրական գնահատականների։

Էրդողանը նշել է, որ այժմ Թուրքիային քննադատողներն ապագայում ստիպված են լինելու ընդունել Անկարայի ցուցաբերած այդ մոտեցումների իրավացիությունը։ Նա նաև շեշտել է, որ չարժե տրվել հոռետեսական սցենարներին՝ ընդգծելով, որ «Թուրքիայի դարը» ռազմավարության շրջանակում երկիրը շարունակելու է առաջ շարժվել դեպի նոր հնարավորություններ։ Եվ ակնկալվում է, որ դա կլինի պետության, բիզնեսի և հասարակության համատեղ ջանքերով։

Աղբյուր՝ www.rudaw.net