Թուրքիայի նախագահ Ռեջեփ Թայիփ Էրդողանը Կահիրեում հանդիպել է Եգիպտոսի նախագահ Աբդել Ֆաթթահ աս-Սիսիի հետ՝ «Թուրքիա–Եգիպտոս բարձր մակարդակի ռազմավարական համագործակցության խորհրդի 2-րդ նիստի» շրջանակում: Համատեղ մամուլի ասուլիսում Էրդողանը նշել է, որ Եգիպտոսը շարունակում է մնալ Թուրքիայի խոշորագույն առևտրային գործընկերն Աֆրիկայում և շեշտել, որ մտադիր են վերջին երեք տարիներին 8–9 մլրդ դոլար կազմող առևտրաշրջանառությունը հասցնել 15 մլրդ դոլարի։
Նա ընդգծել է նաև, որ թուրքական ընկերությունների ներդրումները Եգիպտոսում մոտենում են 4 միլիարդ դոլարի, և կողմերը պատրաստակամ են զարգացնել համագործակցությունն էներգետիկայի, տրանսպորտի և ծովային անվտանգության ոլորտներում։ Էրդողանը նշել է նաև, որ Թուրքիան և Եգիպտոսը համատեղ աշխատում են Պաղեստինի Գազայի հատվածում խաղաղության հաստատման ուղղությամբ՝ դատապարտելով Իսրայելի կողմից հրադադարի խախտումները։
«Մեր ընդհանուր օրակարգի գլխավոր հարցը Պաղեստինի դատավարությունն է»,- հավելել է նա:
Բացի այդ, այցի շրջանակում Թուրքիայի նախագահը Եգիպտոսի նախագահին նվիրել է Թուրքիայի տեղական արտադրության էլեկտրական ավտոմեքենա TOGG։
Աղբյուր՝ Trt Haber
