Բաքվում տեղի է ունեցել «Թվային փոխակերպում և տեխնոլոգիական կամուրջ» խորագրով Ադրբեջան-Թուրքիա գործարար ֆորումը։ Ֆորումին ներկա է գտնվել նաև Ադրբեջանում Թուրքիայի դեսպան Բիրոլ Աքգյունը: Նա նշել է, որ Թուրքիայի նախագահ Ռեջեփ Թայիփ Էրդողանի և Ադրբեջանի նախագահ Իլհամ Ալիևի շնորհիվ երկու երկրների միջև եղբայրությունը հասցվել է ռազմավարական դաշնակցային մակարդակի։
Աքգյունը մասնավորապես նշել է․ «2021 թվականին ստորագրված Շուշիի հռչակագիրը մեր հարաբերություններին տվել է հզոր ռազմավարական շրջանակ ոչ միայն քաղաքական և անվտանգային, այլև տնտեսական ոլորտում։ Սա մեր գործարար համայնքին վստահության միջավայր և երկարաժամկետ պլանավորման հնարավորություններ է տալիս»։
Ուշադրություն հրավիրելով Թուրքիայի և Ադրբեջանի ստանձնած դերակատարության վրա՝ նա ընդգծել է, որ երկու երկրները համակարգված քայլերով ցուցադրում են «օրինակելի համագործակցություն», որն ավելի է ուժեղացնելու իրենց թե՛ տարածաշրջանային, և թե՛ գլոբալ դիրքերը։
Աղբյուր՝ Anadolu Ajansı
