Թուրքիան և Իսպանիան զարգացնում են համագործակցությունը տուրիզմի ոլորտում

Իսպանիայի զբոսաշրջության ինստիտուտը Ստամբուլում կազմակերպել է «Ողջույն Իսպանիա» խորագրով միջոցառում, որին մասնակցել են Թուրքիայի և Իսպանիայի զբոսաշրջության ոլորտի ներկայացուցիչները։ Միջոցառման ընթացքում քննարկվել են երկրների միջև ավիաընկերությունների, թռիչքների և ուղղությունների ծրագրման հետ կապված հարցեր և նպատակ է սահմանվել ավելացնել թուրք զբոսաշրջիկների այցելությունների թիվը Իսպանիա ու էլ ավելի մեծացնել մեկ շնչի հաշվով ծախսերը։

Նշենք, որ թուրք զբոսաշրջիկի միջին ծախսն Իսպանիայում կազմում է 1943 եվրո, իսկ օրական միջին ծախսը կազմում է 395 եվրո։ Այս թվերը ցույց են տալիս, որ թուրք զբոսաշրջիկները ծախսում են ավելի շատ, քան եվրոպական միջին ցուցանիշն է։ Պաշտոնական տվյալների համաձայն՝ Թուրքիայից Իսպանիա այցելուների թիվը 2024-ին աճել է 79.5%-ով։ Նույն ժամանակահատվածում զբոսաշրջության վրա ընդհանուր ծախսերն աճել են 118%-ով։ 2025-ին այցելուների թիվն աճել է 4.92%-ով՝ հասնելով 642.148-ի։

Աղբյուր՝ Turizmajansı.com