Աշխարհում առողջապահական չափանիշները որոշող ամենահեղինակավոր ընկերություններից «Newsweek»-ը և «Statista»-ն հրապարակել են «2026-ի աշխարհի լավագույն հիվանդանոցների» ցանկը։ Ուսումնասիրվել է 32 երկրի 2530 բուժհաստատություն։ Թուրքիայից այդ ցանկում ընդգրկվել է ընդհանուր առմամբ 32 հիվանդանոց, որոնցից 3-ը ներառվել են «Global Top 250»-ում։
«2026-ի աշխարհի լավագույն հիվանդանոցների» ցանկում համեմատաբար առաջատար դիրքում է Թուրքիայի «Քոչ» համալսարանական հիվանդանոցը, որը զբաղեցնում է 213-րդ տեղը, 234-րդ տեղում՝ «Հաջեթթեփե» հիվանդանոցն է, իսկ 248-րդ տեղում՝ «Անադոլու» առողջապահական կենտրոնը։
Նշվում է, որ Թուրքիայի հիվանդանոցները հասել են միջազգային չափանիշներին՝ տեխնոլոգիաների, հիվանդների գոհունակության ու բժշկական փորձի առումով։
Աղբյուր՝ Sözcü
