Թուրքիայի պետական «Anadolu» լրատվական գործակալությունը հայտնել է, որ Թուրքիայում Իրանի դեսպան Մոհամմադ Հասան Հաբիբուլլահը կանչվել է արտգործնախարարություն։ Նշվել է, որ դեսպանին փոխանցվել է Թուրքիայի ուղղությամբ Իրանից բալիստիկ հրթիռի արձակման վերաբերյալ Թուրքիայի արձագանքը։
Հիշեցնենք, որերեկ Թուրքիայի պաշտպանության նախարարությունը հայտնել էր, որ Իրանից արձակված բալիստիկ հրթիռը շարժվելիս է եղել դեպի Թուրքիայի օդային տարածք և չեզոքացվել է Արևելյան Միջերկրականում տեղակայված ՆԱՏՕ-ի հակաօդային պաշտպանության համակարգի կողմից։
Աղբյուր՝ Anadolu
