Թուրքիայի պետական «Anadolu» լրատվական գործակալությունը հայտնում է, որ դիվանագիտական աղբյուրներից ստացված տեղեկության համաձայն՝ արտգործնախարար Հաքան Ֆիդանը հեռախոսազրույց է ունեցել ԱՄՆ պետքարտուղար Մարկո Ռուբիոյի հետ։
Կողմերը քննարկել են իրավիճակը տարածաշրջանում և անդրադարձել դեպի Թուրքիայի օդային տարածք շարժված և խոցված հրթիռի հարցին։
Պետքարտուղար Ռուբիոն նշել է, որ Թուրքիայի ինքնիշխան տարածքներին ուղղված հարձակումներն անընդունելի են, և ԱՄՆ-ն պատրաստ է լիակատար աջակցություն ցուցաբերել Թուրքիային։
Աղբյուր՝ Anadolu
