Թուրքիայի պետական «Anadolu» լրատվական գործակալությունը, հղում անելով Թուրքիայի արտգործնախարարության աղբուրներից ստացած տեղեկատվությանը, հայտնել է, որ տեղի է ունեցել Թուրքիայի արտգործնախարար Հաքան Ֆիդանի և Հայաատանի արտգործնախարար Արարատ Միրզոյանի հեռախոսազրույցը։
Նշվել է, որ նախարարները զրույցի ընթացքում քննարկել են տարածաշրջանում տեղի ունեցող զարգացումները։
Ավելի վաղ Հայաստանի արտգործնախարարությունն էր հաղորդագրություն տարածել: Նշվել էր, որ կողմերը քննարկել են Մերձավոր Արևելքում տեղի ունեցող զարգացումները՝ մտահոգություն հայտնելով իրավիճակի շարունակական սրման կապակցությամբ։ Երկուստեք կարևորվել է տարածաշրջանում կայունության և անվտանգության հաստատումը։
Աղբյուր՝ Anadolu
