Ֆիդան. Թուրքիայի օդային տարածքի խախտումն անընդունելի է

Թուրքիայի պետական «TRT Haber» լրատվամիջոցը հայտնել է, որ Թուրքիայի արտգործնախարարության աղբյուրներից ստացված տեղեկատվության համաձայն՝ հեռախոսազրույց են ունեցել Թուրքիայի և Իրանի արտգործնախարարները։

Թուրքիայի արտգործնախարար Հաքան Ֆիդանը հայտնել է, որ Թուրքիայի օդային տարածքի խախտումն անընդունելի է և ընդգծել, որ Թուրքիան շարունակելու է ձեռնարկել բոլոր անհրաժեշտ միջոցները դրա դեմ։ Նա նաև շեշտել է, որ բոլոր կողմերը պետք է զերծ մնան գործողություններից, որոնք կարող են խաթարել/վնասել տարածաշրջանային անվտանգությունը և վտանգներ ստեղծել քաղաքացիական բնակչության համար։

Իր հերթին Իրանի արտգործնախարար Աբբաս Արաղչին նշել է, որ Թուրքիայի օդային տարածքում հայտնված հրթիռն Իրանից չի արձակվել և այդ հարցի վերաբերյալ համապարփակ հետաքննություն կանցկացվի։

Աղբյուր՝ TRT Haber