«ASAL» կազմակերպությունը հանրային կարծիքի ուսումնասիրություն է անցկացրել Թուրքիայում՝ պարզելու, թե որն է Թուրքիայի ամենակարևոր խնդիրը։ Արդյունքների ամփոփումից պարզվել է, որ ամենակարևոր և օրակարգային թեման երկրի տնտեսությունն է։ Թուրքիայի 26 նահանգում և 2.000 քաղաքացիների շրջանում իրականացված սոցհարցման համաձայն՝ քաղաքացիների ամենամեծ խնդիրը շարունակում է մնալ տնտեսությունը և կյանքի թանկացումը։ Այդպես է համարել հարցվածների 58.2 տոկոսը։ Սա ցույց է տալիս, որ տնտեսությունը շարունակում է պահպանել իր գերիշխող դիրքը Թուրքիայի հանրային օրակարգում։
Քաղաքացիների առաջնահերթությունների շարքում տնտեսությանը հաջորդող մյուս խնդիրները՝ ստորև
Արդարադատություն և իրավական համակարգ՝ 8.5 տոկոս
Աշխատազրկություն և զբաղվածություն՝ 6.0 տոկոս
Անվտանգություն և հասարակական կարգ՝ 4.8 տոկոս
Կրթություն՝ 3.2 տոկոս
Ահաբեկչության խնդիր՝ 2,7 տոկոս,
Նվազագույն աշխատավարձ ու թոշակներ՝ 2.5 տոկոս
Բարոյական արժեքների անկում՝ 2.4 տոկոս։
Աղբյուր՝ cumhuriyet.com.tr
