Թուրքիայի չրերի և չրային արտադրանքի արտահանումը 2026 թվականի առաջին եռամսյակում կազմել է շուրջ 404 մլն դոլար։ Ըստ տվյալների՝ հունվար-մարտ ամիսներին արտահանվել է մոտ 75․8 հազար տոննա արտադրանք՝ շուրջ 120 երկիր և ազատ տնտեսական գոտիներ։
Արտահանման հիմնական մասը կազմել են առանց կորիզի չամիչը, թզի և ծիրանի չրերը։ Ամենամեծ եկամուտը՝ մոտ 106 մլն դոլար, ստացվել է չամիչի արտահանումից, որին հաջորդում են թզի չիրը (97 մլն դոլար), ծիրանի չիրը (66 մլն դոլար) և պիստակը (32 մլն դոլար)։
Գլխավոր շուկան շարունակում է մնալ Եվրոպան, որտեղ վաճառքը կազմել է շուրջ 176.9 մլն դոլար։ Առանձին երկրների շարքում առաջատար է Գերմանիան՝ մոտ 56 մլն դոլարով, ապա՝ Մեծ Բրիտանիան, ԱՄՆ-ն և Ֆրանսիան։
Արտահանման ավելի քան կեսն ապահովել են Էգեյան տարածաշրջանի ընկերությունները, որոնց բաժին է ընկել ընդհանուր ծավալի շուրջ 61․5%-ը։
Ոլորտի ներկայացուցիչները նշում են, որ եղանակային պայմանները և կլիմայական փոփոխությունները շարունակում են ազդել արտադրության վրա, սակայն բարենպաստ պայմանների դեպքում տարվա երկրորդ կեսին հնարավոր է վերականգնել արտահանման ցուցանիշները։
Աղբյուր՝ TRT Haber
