Թուրքիայի գլխավոր ընդդիմադիր ուժը համարվող «Ժողովրդահանրապետական» կուսակցության (ԺՀԿ-CHP) նախկին առաջնորդ Քեմալ Քըլըչդարօղլուն Թուրքիայի նախագահ Ռեջեփ Թայիփ Էրդողանին վիրավորելու համար դատապարտվել է 11 ամիս և 20 օր ազատարզկման:
Համապատասխան որոշումը կայացվել է Մերսինի 3-րդ աստիճանի քրեական դատարանում: Ավելի վաղ՝ 2 տարի առաջ, հարուցված գործի շրջանակներում Քըլըչդարօղլուն պաշտպանվել է Անկարայի դատարանում: Վերջինս գործընթացի շրջանակներում հայտարարել էր, որ չի զղջում իր ասածների համար:
Հիշեցնենք, որՔըլըչդարօղլուն որպես ԺՀԿ-ի կողմից առաջադրված նախագահի թեկնածու մասնակցել էր 2023-ի մայիսին Թուրքիայում անցկացված նախագահական ընտրություններին, սակայն պարտություն էր կրել, ապա՝ հեռացել կուսակցության ղեկավարի պաշտոնից:
Աղբյուր՝ Ekonomi Manşet
