Թուրքիայի վիճակագրության կոմիտեն (TÜİK) հայտնել է, թե որքան ճանապարհատրանսպորտային պատահարներ (ՃՏՊ) են տեղի ունեցել Թուրքիայում 2025-ին։ Նշվել է, որ նախորդ տարվա ընթացքում արձանագրվել է 1 մլն 549.574 ճանապարհատրանսպորտային պատահար, որից 1մլն 261.253-ը նյութական վնասի ելքով, իսկ 288.321-ը՝ մահվան կամ վնասվածքի ելքով։
Տարվա ընթացքում տեղի ունեցած մահացու և վնասվածքների ելքով ճանապարհատրանսպորտային պատահարների 86.5%-ը տեղի է ունեցել բնակելի, իսկ 13.5%-ը՝ ոչ բնակելի տարածքներում։ Թուրքիայում ավտոմեքենաների ընդհանուր թիվը 2024 թվականի 31.3 միլիոնից աճել է մինչև 33.6 միլիոն՝ 2025 թվականին։
Նախորդած տարվա համեմատ Թուրքիայում 2025-ին երթևեկող մեքենաների թիվն աճել է 7.4%-ով, վթարների ընդհանուր թիվն աճել է 7.3%-ով, մահացու և վնասվածքներ պատճառող վթարների թիվն աճել է 8%-ով, նյութական վնաս պատճառող վթարների թիվն աճել է 7.1%-ով, իսկ վիրավորների թիվը՝ 4.9%-ով, բայց դրա հետ մեկտեղ մահացությունների ընդհանուր թիվը նվազել է 5%-ով։
Թուրքիայում 2025-ին մահացու և վնասվածքների ելքով ամենաշատ պատահարների թիվը գրանցվել է օգոստոսին՝ 10.4%, իսկ ամենաքիչը՝ փետրվարին՝ 5.7%: Իսկ, եթե դիտարկվում են շաբաթվա օրերը, ապա այդ դեպքում մահացու և վնասվածքների ելքով ամենաշատ պատահարները տեղի են ունեցել ուրբաթ օրերին (15.1%), իսկ ամենքիչը՝ կիրակի օրերին (13.6%):
Աղբյուր՝ Nefes.com
