ԱՄՆ-ի և Իսրայելի կողմից Իրանի վրա կատարված հարձակումները նոր ճգնաժամ են առաջացրել Հյուսիսատլանտյան դաշինքում՝ ՆԱՏՕ-ում։ ԱՄՆ նախգահ Դոնալդ Թրամփը Եվրոպային հորդորել էր միջոցներ ձեռնարկել Հորմուզի նեղուցի վերաբերյալ, սակայն ապարդյուն։ Դրանից հետո Եվրոպական միության (ԵՄ) երկրները սկսեցին նոր անվտանգության հովանոց փնտրել՝ առանց ԱՄՆ-ի։
Այդ ֆոնին Ֆրանսիայում գործող միջազգային լրատվական ռադիոկայանը (Radio France Internationale – RFI) հայտնել է, որ այս փուլում Թուրքիան աչքի է ընկնում որպես Եվրոպայի համար անփոխարինելի ռազմական գործընկեր։ Մասնավորապես նշել է, որ Եվրոպայի դիրքորոշումը Թուրքիայի նկատմամբ փոխվել է և ընդգծվել է, որ հատկապես ռազմարդյունաբերության ոլորտում Բրյուսելն ունի Անկարայի կարիքը։
Նշվել է, որ Թուրքիայի ընդլայնվող կարողություններն ավելի մեծ ուշադրություն են գրավում Եվրոպայի կողմից, քան երբևէ: Շեշտվել է, որ Անկարան ավելի հստակ դիրքորոշում ունի, քան փոփոխական դիրքորոշում ունեցող Վաշինգտոնը։
Աղբյուր՝ Finansıngündemi.com
