«Թուրքիայի վիճակագրական ինստիտուտի» (TÜİK) հրապարակած «Ընտանիքը թվերով 2025» զեկույցի համաձայն՝ Թուրքիայում աղքատության մակարդակը կազմում է 20.6 տոկոս։ Սրան զուգահեռ նշվում է, որ երկրում տնային տնտեսությունների միջին մարդաքանակը 2025 թվականին նվազել է և այժմ կազմում է մինչև 3.08 մարդ։ Այս համատեքստում ամենաբարձր ցուցանիշը գրանցվել է Շըրնաք նահանգում՝ 4.84 մարդ, իսկ ամենացածրը՝ Թունջելիում՝ 2.49 մարդ։
Զեկույցում նշվում է նաև, որ միայնակ բնակվող անձանց տնային տնտեսությունների բաժինն աճել է՝ հասնելով 20.5 տոկոսի, իսկ միայն ամուսիններից և երեխաներից բաղկացած միջուկային ընտանիքների մասնաբաժինը նվազել է՝ 67.4 տոկոսից հասնելով 62.7 տոկոսի։ Ընդլայնված (տատիկ, պապիկ ներկառյալ) ընտանիքների բաժինը ևս կրճատվել է՝ 16.7 տոկոսից հասնելով 13.5 տոկոսի:
Աղբյուր՝ Ekonomi Gazetesi
