Գերմանիայի «Դաշնային վիճակագրության վարչության» տվյալներով՝ երկրում գրանցված փախստականների թիվը կազմել է 3.2 միլիոն, ինչը երկրի բնակչության շուրջ 3.9%-ն է և չնայած փախստականների մի քանի միլիոն լինելուն այժմ կացության հայցադիմումներում նվազման տենդենցներ են նկատվում:
Նշվում է, որ 2024-ի տարեվերջի համեմատ 2025-ի տարեվերջին փախստականների կողմից ապաստանի տրամադրման հայցերը կտրուկ կերպով են նվազում: Օրինակ՝ սիրիացիների շրջանում այն կազմել է 73.8%. նրանց թիվը 36.000-ից հասել է 13.000-ի։ Ապաստան հայցող Թուրքիայի քաղաքացիների թիվն էլ 11.000-ից հասել է մինչև 6.000:
Հավելենք, որ Գերմանիայում ապաստանած փախստականների թվում ուկրաինացիները շարունակում են մեծ թիվ կազմել՝ 1.164.000 մարդ, որին հաջորդում են սիրիացիները՝ 669.000, և աֆղանստանցիները՝ 321.000։ Այս 3 խումբը միասին կազմում է ընդհանուր փախստականների մոտ 66.5%-ը։
Նշենք նաև, որ 2025-ի վերջի դրությամբ Գերմանիայում ապաստան ստացած 2.7 միլիոն մարդուց 83.4%-ը ստացել է կացության թույլտվություն, որրի մեծ մասը ժամանակավոր է (88.1%), իսկ միայն 11.9%-ը՝ մշտական։
Աղբյուր՝ Kronos
