Թուրքիան և Հայաստանն ավարտել են ուղիղ առևտրի մեկնարկի աշխատանքները

Թուրքիայի արտաքին գործերի նախարարության խոսնակ Օնջու Քեչելին «X» հարթակում գրառում է արել Թուրքիայի և Հայաստանի միջև ուղիղ առևտրի մեկնարկի վերաբերյալ։ Նա մասնավորապես նշել է, որ Հայաստանի հետ 2022-ից շարունակվող կարգավորման գործընթացի շրջանակում իրականացված վստահության ամրապնդման քայլերի արդյունքում, Թուքիայի և Հայաստանի միջև ուղիղ առևտրի մեկնարկին առնչվող բյուրոկրատական նախապատրաստական աշխատանքները 2026-ի մայիսի 11-ի դրությամբ ավարտվել են։

Ըստ նրա՝ երկու երկրների միջև ընդհանուր սահմանի բացմանն ուղղված անհրաժեշտ տեխնիկական և բյուրոկրատական աշխատանքները դեռ շարունակվում են։ Գործարկված նոր կարգավորման շնորհիվ հնարավոր է դարձել, որ Թուրքիայից որևէ երրորդ երկիր, այնտեղից էլ Հայաստան ուղարկվող կամ նույն երթուղով տեղափոխվող ապրանքների վերջնական նպատակակետը կամ ելակետը նշվի որպես «Հայաստան/Թուրքիա»։

Հարավային Կովկասում կայուն խաղաղության և բարեկեցության ամրապնդման ուղղությամբ ձևավորված պատմական հնարավորության լույսի ներքո, Թուրքիան կշարունակի նպաստել տարածաշրջանում տնտեսական հարաբերությունների զարգացմանը և համագործակցության առաջմղմանը՝ ի շահ տարածաշրջանի բոլոր երկրների և ժողովուրդների։

Աղբյուր՝ TRT Haber