ԱՄՆ Կոնգրեսի մի շարք անդամներ նամակով դիմել են ԱՄՆ պետքարտուղար Մարկո Ռուբիոյին՝ պահանջելով հստակեցնել Վաշինգտոնի քաղաքականությունը Թուրքիայի նկատմամբ, մասնավորապես՝ «F-35» կործանիչների ծրագրի, ռուսական «S-400» հակաօդային պաշպանության համակարգերի (ՀՕՊ) և «CAATSA» պատժամիջոցների հարցերում։
CAATSA – «Պատժամիջոցների միջոցով Ամերիկայի հակառակորդներին հակազդելու մասին» ԱՄՆ օրենք:
Նամակում կոնգրեսականները մտահոգություն են հայտնել ԱՄՆ-ում Թուրքիայի դեսպան Թոմ Բարաքի վերջին հայտարարությունների կապակցությամբ՝ հարց բարձրացնելով՝ արդյոք դրանք համապատասխանում են ԱՄՆ պաշտոնական դիրքորոշմանը։ Նամակում ընդգծվում է, որ Թուրքիան դեռ չի կատարել «F-35» ծրագրին վերադառնալու համար անհրաժեշտ հիմնական պայմանները։ Դրանց թվում են ռուսական արտադրության «S-400» ՀՕՊ համակարգերից ամբողջական հրաժարումը և ապագայում նման համակարգեր չգնելու պարտավորությունը։
Կոնգրեսականները նաև պահանջել են պարզաբանել, թե ինչպես են կիրառվում Թուրքիայի նկատմամբ «CAATSA» պատժամիջոցները։ Բացի այդ, քննադատության է արժանացել Թոմ Բարաքի ելույթը Անթալիայի դիվանագիտական ֆորումում, որտեղ նա հայտարարել էր, որ Լիբանանում հրադադարը խոցելի է և անհրաժեշտ է քաղաքական երկխոսություն վարել «Հեզբոլլահ»-ի հետ։ Կոնգրեսում այդ հայտարարությունները գնահատել են որպես վտանգավոր անորոշություն ստեղծող քայլ՝ ԱՄՆ-ի տարածաշրջանային քաղաքականության համար։
Kaynak: Gazete Oksijen
