Օդերևութաբանության փորձագետ, թուրք պրոֆեսոր Օրհան Շենը խոսել է Թուրքիայի բնակլիմայական պայմանների մասին։ Նա նշել է, որ Թուրքիան վերջին 66 տարվա ընթացքում ապրում է ամենախոնավ շրջանը, որտեղ մեկ ամսվա տեղումները լինում են մեկ ժամում։ Ըստ Թուրքիայի օդերևութաբանության գլխավոր վարչության տվյալների՝ 2025-ի նույն ժամանակահատվածի համեմատ տեղումների քանակը 80%-ով է աճել է։
Նա զգուշացրել է, որ սպասվում է շատ շոգ ամառ, իսկ աշնանը սպասվում են հեղեղումներ։ Մասնագետը հայտնել է, որ Թուրքիայի տարածաշրջանին մոտենում է «Սուպեր Էլ Նինյո» ալիքը, որը հատկապես զգացնել կտա ամռան ամիսներին և կլինի անոմալ շոգ, ինչը կազդի նաև մարդկանց առողջության վրա։ Այդ ալիքը կապված է Արևելյան Խաղաղ օվկիանոսում ջրի մակերևույթի ջերմաստիճանի բարձրացման հետ։
Այդ հանգամանքով պայմանավորված՝ Ստամբուլում օդի ջերմաստիճանը կարող է հասնել ռեկորդային ցուցանիշի։ Մասնագետները կանխատեսում են, որ 2010-ին գրանցված 40.3 ջերմաստիճանի ռեկորդը կարող է գերազանցվել այս ամռանը։
Աղբյուր՝ Mynet.com
